काठमाडौं । केलिएन एमबाप्पेले ह्याट्रिक गरेपछि पेरिस सेन्ट जर्मेन (पीएसजी)ले फ्रेन्च कपमा छैटौं श्रेणीको अमेच्योर क्लब रेभेललाई ९-० ले पराजित गरेको छ ।
रेभेलको मैदान कास्ट्रेसस्थित पिएरे-फाब्रेमा भएको खेलमा २५ वर्षी फ्रेन्च स्ट्राइकर एमबाप्पेले १६औं, ४५औं र ४८औं मिनेटमा गोल गरे ।
फ्रान्सका कप्तानसमेत रहेका एमबाप्पे पीएसजीका कीर्तिमानी गोलकर्ता हुन् । उनले फ्रेन्च कपमा पनि २२ खेलमा ३० गोल गरिसकेका छन् ।
