सोमबार एक कार्यक्रमका साथ तामाङ सेलो दिङ्गीला ल्होछार बोलको म्युजिक भिडियो सार्वजनिक गरिएको छ। तामाङ कुताप धिम बिजेश्वरीमा पुर्व सांस्कृतिक तथा पर्यटन मन्त्री परशुराम तामाङ प्रमुख आतिथ्यमा म्युजिक भिडियो सार्वजनिक गरिएको हो। त्यसैगरी विशेष अतिथि ताम्सालिङ संघर्ष समितिका सदस्य सचिव मोहन गोले, यसै बिभागका आर्थिक संयोजक बाबुराम लोप्चन, बहुचर्चित रंगकर्मी बुद्धि तामाङ, ओ पेङ दोर्जे कविता संग्रहका लेखक राजु स्याङतान लगायत मासिन्या नाटकका कलाकार तथा अन्य व्यक्तिहरुको उपस्थिति रहेको थियो। शब्द, संगीत, स्वर सामुहिक रुपमा सोनाम बज्यु, फूल कुमार बम्जन, सोनाम लामा, रेश्मा बम्जन, सुमिना लो को रहेको छ भने भिडियो अभियानमा मिलन थिङ पाराङ, संन्जु थलाङ लिम्बू, क्रेश्मा वाइबा, सोनाम मोक्तान, लगायत अन्य कलाकारहरुको रहेको छ।
