विनोद भण्डारी र बसिर अहमद शानदार ब्याटिङसँगै प्रधानमन्त्री कपमा त्रिभुवन आर्मी क्लबले कर्णाली प्रदेशलाई २८० रनको लक्ष्य दिएको छ ।त्रिभुवन आर्मी क्लबले निर्धारित ५० ओभरमा ५ विकेट गुमाउँदै २७९ रन बनाएको हो । कर्णालीका लागि दीपेन्द्र रावतले २ र प्रकाश जैशी, दिनेश अधिकारी र दिवान पुनले १/१ विकेट लिए । प्रधानमन्त्री कपमा त्रिभुवन आर्मी क्लब ६ खेलमध्ये ४ मा जित हात पार्दै चौथो स्थानमा छन् । कर्णाली प्रदेश भने ७ मध्ये ३ खेलमा जित हात पार्दै सातौँ स्थानमा रहेको छ । कप्तान विनोद भण्डारीले नटआउट रहँदै १३२ बलमा ६ चौका र ३ छक्का प्रहार गर्दै १०० रन बनाए । बसिर भने शतक प्रहार गर्नबाट २ रनले चुके । उनले ९२ बलमा १२ चौका र १ छक्कासहित ९८ रन बनाए । त्यस्ती भीम सार्कीले २५ रन बनाउँदा कुशल मल्लले २१ रन बनाए ।
