एनबीएससी सेमिफाइनलमा

विराटनगर — विराटनगरको एनबीएससी क्रिकेट क्लबले बिहीबार भारत जोगवनीको प्रशान्त क्रिकेट क्लबलाई १ सय ३४ रनले पराजित गर्दै तेस्रो मिल्स कप टी–२० क्रिकेट प्रतियोगिताको सेमिफाइनलमा पुगेको छ ।

बिहीबार विराटनगर जुट मिल मैदानमा पहिलो क्वाटरफाइनलमा टस जितेको विराटनगरले ८ विकेट गुमाई २ सय ३ रन जोड्यो । अनुभव श्रीवास्तव र राहुल चौधरीले अर्धशतकीय इनिङ्स खेले । अनुभवले ४१ बलमा ६ छक्का र ६ चौकासहित ६६ रन र राहुलले ३१ बलमा ५ छक्का र ६ चौकासहित ६० रन जोडे । राहुल प्लेयर अफ द म्याच घोषित भए । विराटनगरका कुनल किशोरले २९ र रिसव रञ्जनले २४ रन जोडे ।