चलचित्र ‘छक्कापञ्जा ५’ को पहिलो गीत ‘बिहे भाको छैन’ सार्वजनिक गरिएको छ।
सोमबार बेलुका ओएसआर डिजिटल युट्युबबाट सार्वजनिक ‘बिहे भाको छैन’ बोलको गीतको भिडिओमा फिल्मका शीर्ष कलाकार अभिनेता दीपकराज गिरी र अभिनेत्री वर्षा शिवाकोटी अभिनय देख्न सकिन्छ।
उक्त भिडिओलाई सुनिल क्षेत्रीले कोरियोग्राफी गरेका हुन् भने गीतमा सविन सुवेदी र बेनिशा पौडेलको स्वर छ। यसका शब्द दीपकराज गिरी र दीपक शर्मा लेखेका हुन्। दीपक शर्माको संगीत निर्देशन रहेको गीतमा रिकेश गुरूङले संगीत संयोजनको काम गरेका छन्।
दीपाश्री निरौलाको निर्देशनमा तयार ‘छक्कापञ्जा ५’ मा दीपकराज र वर्षासहित केदार घिमिरेको शीर्ष अभिनय छ। कार्यकारी निर्मातामा केदार र निर्मल शर्मा छन्। हरि हुँमागाईंको डिओपी रहेको फिल्मलाई विपिन मल्लले सम्पादन गर्नेछन्।
आमा सरस्वती मुभिज र आइएमआईको प्रस्तुति रहेको फिल्म दसैंको अवसर पारेर असोज २४ गते फूलपातिमा रिलिज हुनेछ।