शुक्रबार प्रहरीले काकडभिट्टाबाट नियन्त्रणमा लिएर प्रसाईंलाई काठमाडौं ल्याएर म्याद थपका लागि अदालत उपस्थित गराएको थियो।
काठमाडौं जिल्ला अदालतले तीनकुनेको हिंसात्मक घटनाका कमाण्डर दुर्गा प्रसाईंलाई आवश्यकताअनुसार उपचारको प्रबन्ध गर्न आदेश दिएको छ।
प्रसाईंसहित उनका बडिगार्ड भनिएका दीपक खड्कामाथि राज्यविरूद्धको कसुरमा अनुसन्धान गर्न अदालतले १२ दिनको म्याद थप गरेको हो।
न्यायाधीश शिशिरराज ढकालको इजलासले दुवैलाई १२ दिन हिरासतमा राखेर अनुसन्धान गर्न आदेश दिएको काठमाडौं जिल्ला अदालतका सूचना अधिकारी दीपककुमार श्रेष्ठले जानकारी दिए।
दुर्गा प्रसाईंको हकमा भने आवश्यक उपचारको प्रबन्ध गर्न पनि आदेश भएको सूचना अधिकारी श्रेष्ठले बताए।
‘दुर्गा प्रसाईंको हकमा बिरामी भएको भनेपछि सम्बन्धित चिकित्सकको सिफारिस बमोजिम आवश्यक उपचारको प्रबन्ध गर्न अनुसन्धान निकायलाई निर्देशन दिने आदेश भएको छ,’ उनले भने।
