गोरखापत्र दैनिकका उपसम्पादक शेषकान्त पण्डितको निधन भएको छ।४७ वर्षीय पण्डितको उपचारका क्रममा आज बिहान ललितपुरको मेडिसिटी अस्पतालमा निधन भएको हो।उनी क्यान्सरपीडित थिए। पारिवारिक स्रोतका अनुसार बिहान ३ बजे उनको निधन भएको हो।
तनहुँको भानु नगरपालिका–१२ मा २०३३ वैशाखमा जन्मिएका पण्डितका श्रीमती, एक छोरा र एक छोरी छन्।
शिक्षा पत्रकार समाजका महासचिव पण्डित पत्रकारिता तथा सामाजिक अध्ययनका अध्यापन र पुस्तक लेखनमा पनि संलग्न थिए।उनको आजै पशुपति आर्यघाटमा अन्त्येष्टि गरिने जनाइएको छ।
